Source: Sakal Kolhapur
‘हमिदवाडा ग्रामविकास अधिकारी मगदूम यांची बदली करा’म्हाकवे : हमिदवाडा (ता. कागल) येथील ग्रामपंचायतीचे ग्रामविकास अधिकारी एन. आर. मगदूम यांची तत्काळ बदली करावी. अन्यथा सरपंच उपसरपंच, सदस्य व ग्रामस्थांकडून तीव्र आंदोलन छेडण्यात येईल, असा इशारा गटविकास अधिकारी सुनिल संसारे यांना निवेदनाद्वारे देण्यात आला.निवेदनातील आशय असा, श्री. मगदूम सतत गैरहर असतात. त्यामुळे नागरिकांची गैरसोय होत आहे. तसेच दप्तरी कामकाज अपूर्ण आहे. त्याचा नाहक त्रास सरपंच, उपसरपंच व सर्व सदस्यांना होत आहे. पदाधिकारी यांनी वारंवार सूचना देऊनही ग्रामविकास अधिकाऱ्यांत कोणतीही सुधारणा दिसत नाही. त्यामुळे त्यांची बदली करावी.’ निवेदनावर सरपंच कृष्णात बुरटे, उपसरपंच उमेश डावरे, मनसे जिल्हा उपाध्यक्ष रोहन निर्मळ, नरसिंह भोसले, प्रदीप वरपे यांच्या सह्या आहेत.
