Source: Sakal Kolhapur
लोगोराजर्षी शाहू महाराजस्मृती शताब्दी वर्ष सांगता शंभर सेकंद स्तब्ध राहून शाहू महाराजांना अभिवादन
कोल्हापूर, ता. ४ ः राजर्षी शाहू महाराजांचा १०१ वा स्मृतिदिन शनिवारी (ता. ६) आहे. त्यांच्या स्मृती शताब्दी वर्षाची सांगता या दिवशी होणार आहे. यानिमित्त सर्वांनी सकाळी १० वाजता जेथे असेल तेथे १०० सेकंद स्तब्ध उभे राहून महाराजांना अभिवादन करावे, असे आवाहन जिल्हाधिकारी राहुल रेखावार यांनी केले आहे. राजर्षी छत्रपती शाहू महाराजांचे विचार आणि कार्यामुळे आधुनिक भारताच्या समाजकारणात आणि अर्थकारणात आमूलाग्र क्रांती घडून आली. राजर्षी छत्रपती शाहू महाराजांच्या १०१ व्या स्मृती दिनानिमित्त शनिवारी (ता. ६) सकाळी १० वाजता १०० सेकंद स्तब्ध उभे राहून लोकराजा राजर्षी छत्रपती शाहू महाराजांना अभिवादन करायचे आहे. शाहू महाराजांप्रति कृतज्ञता व्यक्त करून त्यांचे विचार व कार्य सर्वांपर्यंत पोहोचावे यासाठी विविध उपक्रमांचे आयोजन केले आहे. या उपक्रमात जिल्ह्यातील सर्व लोकप्रतिनिधी, संस्था, संघटना, तरुण मंडळे, बचत गटांच्या सदस्यांसह सर्व घटकांनी सहभागी व्हावे व इतरांनाही या उपक्रमात सहभागी होण्यासाठी प्रेरित करावे, असेही आवाहन जिल्हाधिकाऱ्यांनी केले आहे.
